【平過去茶記】紅磡Hotel sáv推出$45自助早餐　炒麵點心腸仔任食

一場新冠肺炎，令旅遊業叫苦連天，酒店業亦轉攻本地市場，推出不少Package望能止血。紅磡的逸‧酒店(Hotel sáv) 之前推出自助早餐，大受歡迎，現強勢回歸，周一至周五只需$45，性價比遠超一般茶記。

據酒店公關回覆，酒店自助早餐美食包括煙肉、火腿、焗豆、雞肉腸、炒麵、點心、水煮蛋、牛角包、班戟、多士、白粥及新鮮水果等以供選擇。同時，更可享無限添飲咖啡、茶或果汁，以這個價格來說無得輸。

▲ 除了西式，亦有中式飽點和點心。（攝影︰Kevin Lau）

從網友Kevin Lau拍到的相片可見，酒店的格局相當企理，食物亦相當正路，太陽蛋、煎番茄、腸仔等一應俱全。

▲ 閣下亦可自製一客English Breakfsat。（攝影︰Kevin Lau）

▲ 牛角飽、班戟以至方包也有。（攝影︰Kevin Lau）

▲ 早餐食物相當齊備。（攝影︰Kevin Lau）

另外，酒店也推出月租優惠，房間由$9,000起，包括共享大客廳及娛樂區、以及可享用戶外花園、開放式的工作區、健身室等設施，家中裝修稍住相當不俗。

▲ Hotel sáv亦提供月租$9,000起的房間優惠。

逸‧酒店

地址︰紅磡蕪湖街83號
電話︰2275 8888
早餐時間︰7am至1030am
優惠期 : 由即日起至6月30日 
購票方法: 用餐當日於逸‧酒店地下大堂購票 (無需預訂)
收費︰平日$45、周末及公眾假期需$60

撰文︰司徒家傑